Астанада өткен ұстаздар сайысында 53 қатысушы республикалық байқауға жолдама алды

Астана қаласында өткен «Педагогикалық идеялар панорамасы» байқауының 53 қатысушысы республикалық сайысқа жолдама алды. Бейнесабақтар мен бейнедәрістер байқауына 150-ден астам ұстаз қатысқан. Үздіктер әдістемелік материалдың мазмұны мен бейнесабақтардың сапасына қарай анықталды. Байқауға мектепке дейінгі, орта және техникалық білім беру мекемелерінің мұғалімдері қатысты. Республикалық сайысқа өңірлердің үздіктері жиналды.