Икĕ ылтăнпа пĕр кĕмĕл
Ача çурални – телей. «Çĕнĕ кайăк» килни кил-йыша пысăк савăнăç кӳрет. Халăхра арçын ача çуралнине ылтăн, хĕр ача пулсан кĕмĕл тупнă тесе каланă. Çĕнĕ Шупашкарти Гуменюксен çемйи вара тӳрех икĕ ылтăнпа пĕр кĕмĕл тупнă. Вĕсене саламлама пирĕн пултарулăх ушкăнĕ Президент перинаталь центрне çитрĕ. Иртнĕ çулăн юпа уйăхĕнче Çĕнĕ Шупашкарти Екатерина Гуменюк виçĕ ача амăшă пулса тăнă. Шăпăрлансем çут тĕнчене 28 эрнерех килнĕ. Вăхăтсăр çуралнипе ачасен йывăрăшĕ пĕр килоран та сахалтарах пулнă. Артемăн виçи, сăмахран, 885 граммпа танлашнă. Çуралнă хыççăн ачасене тӳрех медицина пулăшăвĕ панă. СВЕТЛАНА ПЕТРОВА: «Паянхи кун савăнăçлă кун темелле. Çак виçĕреш çуралма пирĕн центрта 22-мĕш эрнерен пăхма пуçланă вĕсене. Пирĕн центра пысăк технологиллĕ пулăшу пур. Опытлă врачсем чылай ĕçлеççĕ. Çавăнпа вăхăтсăр çитнĕ ачасене çуралма пулăшрĕç, вес йĕркеллех хушса пычĕç». Халĕ Артем икĕ кило та 766 грамм таять. Ват аслашшĕн аллинче тĕпренчĕк хăйне аван туять. Унăн шухăшĕпе Артем ӳссен хăйĕн пек танкист пулать, Миша тухтăр, Вероника вара директор. ИВАН САИНОВ: «Мĕнле калас, шӳтлемелле пулсан та вĕсем пурте пирĕн. Пирĕн вĕсене ӳстермелле. Вĕсемпе савăнмалла. Пысăк çынсем тумалла. Пурнăç малалла пырать. Пирĕн йăхра ку пĕрремĕш мар. Пирĕн йăхра тăвансен йĕкĕрешсем пулнă. Йăх пирĕн пĕтмест, йăх пытăр малалла». Артем, Михаил тата Вероника – виçĕ «çĕнĕ кайăк» ашшĕпе амăшĕшĕн кăна мар, çывăх тăванĕсемшĕн те пысăк савăнăç. «Президент перинаталь центрне вăхăтра лекни ман ачасене пурнăç парнелерĕ», – пĕлтерет амăшĕ. Уншăн вĕсене пысăк тав калать вăл. 21 çулта центрта 25 хут виçĕреш тата пин çурă ытла йĕкĕреш çуралнă. Иртнĕ çулта кăна сыватмăшра пĕчĕк виçеллĕ 70 ытла ачана сипленĕ.
Ача çурални – телей. «Çĕнĕ кайăк» килни кил-йыша пысăк савăнăç кӳрет. Халăхра арçын ача çуралнине ылтăн, хĕр ача пулсан кĕмĕл тупнă тесе каланă. Çĕнĕ Шупашкарти Гуменюксен çемйи вара тӳрех икĕ ылтăнпа пĕр кĕмĕл тупнă. Вĕсене саламлама пирĕн пултарулăх ушкăнĕ Президент перинаталь центрне çитрĕ. Иртнĕ çулăн юпа уйăхĕнче Çĕнĕ Шупашкарти Екатерина Гуменюк виçĕ ача амăшă пулса тăнă. Шăпăрлансем çут тĕнчене 28 эрнерех килнĕ. Вăхăтсăр çуралнипе ачасен йывăрăшĕ пĕр килоран та сахалтарах пулнă. Артемăн виçи, сăмахран, 885 граммпа танлашнă. Çуралнă хыççăн ачасене тӳрех медицина пулăшăвĕ панă. СВЕТЛАНА ПЕТРОВА: «Паянхи кун савăнăçлă кун темелле. Çак виçĕреш çуралма пирĕн центрта 22-мĕш эрнерен пăхма пуçланă вĕсене. Пирĕн центра пысăк технологиллĕ пулăшу пур. Опытлă врачсем чылай ĕçлеççĕ. Çавăнпа вăхăтсăр çитнĕ ачасене çуралма пулăшрĕç, вес йĕркеллех хушса пычĕç». Халĕ Артем икĕ кило та 766 грамм таять. Ват аслашшĕн аллинче тĕпренчĕк хăйне аван туять. Унăн шухăшĕпе Артем ӳссен хăйĕн пек танкист пулать, Миша тухтăр, Вероника вара директор. ИВАН САИНОВ: «Мĕнле калас, шӳтлемелле пулсан та вĕсем пурте пирĕн. Пирĕн вĕсене ӳстермелле. Вĕсемпе савăнмалла. Пысăк çынсем тумалла. Пурнăç малалла пырать. Пирĕн йăхра ку пĕрремĕш мар. Пирĕн йăхра тăвансен йĕкĕрешсем пулнă. Йăх пирĕн пĕтмест, йăх пытăр малалла». Артем, Михаил тата Вероника – виçĕ «çĕнĕ кайăк» ашшĕпе амăшĕшĕн кăна мар, çывăх тăванĕсемшĕн те пысăк савăнăç. «Президент перинаталь центрне вăхăтра лекни ман ачасене пурнăç парнелерĕ», – пĕлтерет амăшĕ. Уншăн вĕсене пысăк тав калать вăл. 21 çулта центрта 25 хут виçĕреш тата пин çурă ытла йĕкĕреш çуралнă. Иртнĕ çулта кăна сыватмăшра пĕчĕк виçеллĕ 70 ытла ачана сипленĕ.