Кæрдзыны хъæуы байгом кодтой ног амбулатори

Бирæ азты кæмæ æнхъæлмæ кастысты ахæм цау. Кæрдзыны хъæуы кадджын уавæры байгом ног амбулатори. Медицинон кусджытæн ам иу сменæмæ сæ бон уыдзæн медицинон æххуыс бакæнын 50 адæймагæн. Ис дзы 3 бынаты боныгон стационары. Дзæбæхгæнæндон ифтонг у алыхуызон нырыккон медицинон гæрзтæй. Суанг ма дзы уыдзæн райсæн дæндæгты дохтыры лæггæтæ дæр. Вакцинаци ацæуын кæй фæнды, уыдонæн дæр бацæттæ кодтой æппæт уавæртæ. Ног дзæбæхгæнæндонмæ Кæрдзыны хъæуы цæрджытæ æнхъæлма кастысты 30 азы. Уыцы рæстæгмæ амбулаторийы бынат иу æмæ дыууæ хатты ивд не ’рцыд. Фæстаг рæстæг медицинон кусджытæ хъæуы цæрджыты дзæбæх кодтой лæггæдты хæдзары. Æнæрудзынг æмæ æнуд агъуыст, — ахæмæй баззад адæмы зæрдæты сæ зæронд амбулатори. Уымæ гæсгæ сын ногарæзт медицинон уагдон у æцæг бæрæгбоны лæвар. Ног амбулатори ифтонг у æппæт хъæугæ медицинон гæрзтæй. Ис дзы физиотерапийæ æмæ анализтæ исæн сæрмагонд бынат. Уыимæ ма 3 боныгон стационары бынаты. Кадджын мадзалмæ саккаг кодтой республикæйы æнæниздзинад хъахъхъæныны министры хæстæ рæстæгмæ æххæстгæнæг Тебиаты Сослан. Раарфæ кодта фелсыр Моргъуаты Светланæйæн. Бынæттон цæрджытæм та расидт низæй сæхи бахъахъхъæнынмæ æмæ вакцинаци ацæуынмæ. Дзæбæхгæнæндоны иу сменæмæ сæ бон уыдзæн хъæугæ æххуыс бакæнын 50 адæймагæн. Ног къуырийæ та райдайдзæн вакцинаци. Прививкæ скæнын адæмæн сæ бон уыдзæн барвæндæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv