英國定居生涯Vlog Ep.7 之Colindale好多香港人？勇闖踩場篇。

呢一集因為成日見啲香港廣告賣海外樓盤Sell Colindale，又聽到好多香港人都過左去，於是諗住踩下場睇下係咪已經好似香港，結果係...唔似囉，嘩，同我當年喺澳洲去Chatswood實在爭太遠啦﹐雖然有間Food Hall都有好多亞洲食物，又有華人超市，但我駛鬼特登去呢區食咩，除非我常食平啲啫！仲有就係Colindale Garden啲樓起到插針咁，嗰日天色已經唔多好，啲樹又黃黃啡啡，搞到更加暗咁，最後以為Brent Cross Shopping Centre喺附近啦，點知要搭程巴士成廿分鐘先去到架，仲要娘娘地舊舊地... 結論係，呢個前工業區似乎住得仲未夠多香港人，可能再住多啲個配套就會好啲，但你唔好以為呢度啲樓平喎，話就話Zone 4 ，啲New Build四十萬鎊無走雞架！我搭Tube喺Kingsbury落車好似仲繁華，仲要有好多學校，其實係咪住呢區仲好呢？ 不過公平啲講，話就話Zone 4，其實原來喺Brent Cross Shopping Centre巴士總站坐巴士返我屋企都只係半粒鐘，都算方便，同埋Brent Cross對面有啲 Outlet嘅大商舖，不過Brent Cross根本就唔係Colindale，二來嗰度都有新樓起緊，咁到底Colindale 呢個「香港人新寵」有乜咁正呢？