Çĕнĕ улшăнусем
Çĕнĕ саккунсем, тӳлевсем тата йĕркесем. Вĕсем шăпах кăçал, кăрлач уйăхĕн 1-мĕшĕнчен вăя кĕчĕç. Сăмахран, пенси, шалу, пурăнмалли чи пĕчĕк виçе те ӳсмелле. Чăваш Енре пурăнакансене 2023-мĕш çулта социаллă тытăмра тата мĕнле улшăнусем кĕтеççĕ? Кун пирки Чăваш Республикин ĕçлев тата социаллă хӳтлĕх министрĕ Алена Елизарова ятарлă брифингра каласа пачĕ. Кăрлач уйăхĕн 1-мĕшĕнчен Раççейре социаллă фонд ĕçлеме пуçларĕ. Вăл пенси тата социаллă страховани фончĕсене пĕрлештерет. Вĕсене пĕр тытăма кĕртнин тĕллевĕ – тӳлевсен йĕркине çăмăллатасси. Пур федераллă тĕреве малашне темиçе хут мар, пĕрре çырсах илме пулать. Çăмăллăх илес тесен патшалăх пулăшăвĕсем паракан порталта заявлени çырмалла. 2023-мĕш çулта пурăнмалли чи пĕчĕк виçе те хăпарнă. АЛЕНА ЕЛИЗАРОВА: «Пĕлтĕрхипе танлаштарас пулсан, республикăра пурăнмалли чи пĕчĕк виçе шайĕ 1607 тенкĕ ӳснĕ. Çакна палăртса хăвармалла – ĕçлекен халăх валли пурăнмалли чи пĕчĕк виçен шайĕ кăçал 13 476 тенкĕпе танлашать. Пенси укçине тивĕçтерекенсен 10632 тенкĕпе танлашать. Ачасемшĕн вара 11 992 тенкĕпе палăртнă. Çемьесемшĕн кăçалхи пĕлтерĕшлĕ пулăм – пĕрлехи пособи. Аса илтеретĕп, пĕрлехи тӳлев патшалăх çемьесене тивĕçтерекен ултă пулăшу тĕревне пĕрлештернĕ». Пĕрлĕхлĕ тӳлевпе сахал тупăшлă çемьесене пурăнмалли шай виçине шута илсе тивĕçтерĕç. Ĕçе вырнаçтарасси те тимлĕхре. 30 çула çитмен çамрăксене ĕçе илсен предприятисемпе усламçăсем субсиди илме пултарĕç. Кăрлач уйăхĕн 1-мĕшĕнчен патшалăх учрежденинче ĕçлекенсен шалăвĕ ултă процент ӳсмелле. Ку йышăнăва çывăх вăхăтра Чăваш Республикин Министрсен Кабинечĕ пăхса тухĕ.
Çĕнĕ саккунсем, тӳлевсем тата йĕркесем. Вĕсем шăпах кăçал, кăрлач уйăхĕн 1-мĕшĕнчен вăя кĕчĕç. Сăмахран, пенси, шалу, пурăнмалли чи пĕчĕк виçе те ӳсмелле. Чăваш Енре пурăнакансене 2023-мĕш çулта социаллă тытăмра тата мĕнле улшăнусем кĕтеççĕ? Кун пирки Чăваш Республикин ĕçлев тата социаллă хӳтлĕх министрĕ Алена Елизарова ятарлă брифингра каласа пачĕ. Кăрлач уйăхĕн 1-мĕшĕнчен Раççейре социаллă фонд ĕçлеме пуçларĕ. Вăл пенси тата социаллă страховани фончĕсене пĕрлештерет. Вĕсене пĕр тытăма кĕртнин тĕллевĕ – тӳлевсен йĕркине çăмăллатасси. Пур федераллă тĕреве малашне темиçе хут мар, пĕрре çырсах илме пулать. Çăмăллăх илес тесен патшалăх пулăшăвĕсем паракан порталта заявлени çырмалла. 2023-мĕш çулта пурăнмалли чи пĕчĕк виçе те хăпарнă. АЛЕНА ЕЛИЗАРОВА: «Пĕлтĕрхипе танлаштарас пулсан, республикăра пурăнмалли чи пĕчĕк виçе шайĕ 1607 тенкĕ ӳснĕ. Çакна палăртса хăвармалла – ĕçлекен халăх валли пурăнмалли чи пĕчĕк виçен шайĕ кăçал 13 476 тенкĕпе танлашать. Пенси укçине тивĕçтерекенсен 10632 тенкĕпе танлашать. Ачасемшĕн вара 11 992 тенкĕпе палăртнă. Çемьесемшĕн кăçалхи пĕлтерĕшлĕ пулăм – пĕрлехи пособи. Аса илтеретĕп, пĕрлехи тӳлев патшалăх çемьесене тивĕçтерекен ултă пулăшу тĕревне пĕрлештернĕ». Пĕрлĕхлĕ тӳлевпе сахал тупăшлă çемьесене пурăнмалли шай виçине шута илсе тивĕçтерĕç. Ĕçе вырнаçтарасси те тимлĕхре. 30 çула çитмен çамрăксене ĕçе илсен предприятисемпе усламçăсем субсиди илме пултарĕç. Кăрлач уйăхĕн 1-мĕшĕнчен патшалăх учрежденинче ĕçлекенсен шалăвĕ ултă процент ӳсмелле. Ку йышăнăва çывăх вăхăтра Чăваш Республикин Министрсен Кабинечĕ пăхса тухĕ.