Çуртсене юсаççĕ

Авăн уйăхĕн вĕçĕнчен Донбассра Чăваш Республикинчи строительсене курма пулать. Вĕсем нумай хутлă çуртсене йĕркене кĕртеççĕ. Ентешсем ку уйăхра та Мариуполь хулинче ĕçлеççĕ. Çурт-йĕре юсаса çĕнеме пулăшасси çинчен Чăваш Республикин Пуçлăхĕ Олег Николаев Донбассра пулнă чухне унти ертӳçĕсемпе калаçса татăлнăччĕ. Çулталăк вĕçлениччен строительсен çуртсене пурăнма юрăхлă тумалла.