Чăрăша — чĕр чунсем патне
Çĕнĕ çул уявĕ хыçа юлчĕ. Унта та кунта çӳп-çап ещĕкĕнче ĕнер çеç çемьене капăрлăхĕпе савăнтарнă чăрăшсем выртнине курма пулать. Чĕрчунсен тусĕсем çапла тума васкамалла маррине палăртаççĕ. Хăйĕн тивĕçне пурнăçланă ешĕл йывăç тата та усă пама пултарать. Шупашкарта пурăнакансенчен нумайăшĕ ача-пăчана савăнтарнă ырă шăршăллă чăрăшсемпе хырсене контейнера кăларса пăрахма та кирлĕ маррине пĕлеççĕ. Шупашкарти Николаев ячĕллĕ паркра вырнаçнă чĕрчунсен кĕтесĕнче кăçалхипе иккĕмĕш çул симĕс лăсă йышăнаççĕ. Илсе килекен чăрăш ешĕл пулмалла, типсе кайни, хими хутăшĕсемпе сапнине илмеççĕ. Вĕсене кашни кун 10:00 сехетрен пуçласа 18:00 сехетчен йышăнаççĕ. Ешĕл йывăçа кăрлач уйăхĕн 11-13 мĕшĕсенче пухаççĕ. «Ковчег» чĕрчунсен кĕтесĕнче чăрăш малалла та ыр кӳрет. Лăсăллă йывăçа апатри витамин хутăшĕ пек параççĕ. Унсăр пуçне чĕрчунсем тăракан вырăна ăшăрах тума та кирлĕ вăл.
Çĕнĕ çул уявĕ хыçа юлчĕ. Унта та кунта çӳп-çап ещĕкĕнче ĕнер çеç çемьене капăрлăхĕпе савăнтарнă чăрăшсем выртнине курма пулать. Чĕрчунсен тусĕсем çапла тума васкамалла маррине палăртаççĕ. Хăйĕн тивĕçне пурнăçланă ешĕл йывăç тата та усă пама пултарать. Шупашкарта пурăнакансенчен нумайăшĕ ача-пăчана савăнтарнă ырă шăршăллă чăрăшсемпе хырсене контейнера кăларса пăрахма та кирлĕ маррине пĕлеççĕ. Шупашкарти Николаев ячĕллĕ паркра вырнаçнă чĕрчунсен кĕтесĕнче кăçалхипе иккĕмĕш çул симĕс лăсă йышăнаççĕ. Илсе килекен чăрăш ешĕл пулмалла, типсе кайни, хими хутăшĕсемпе сапнине илмеççĕ. Вĕсене кашни кун 10:00 сехетрен пуçласа 18:00 сехетчен йышăнаççĕ. Ешĕл йывăçа кăрлач уйăхĕн 11-13 мĕшĕсенче пухаççĕ. «Ковчег» чĕрчунсен кĕтесĕнче чăрăш малалла та ыр кӳрет. Лăсăллă йывăçа апатри витамин хутăшĕ пек параççĕ. Унсăр пуçне чĕрчунсем тăракан вырăна ăшăрах тума та кирлĕ вăл.