📚ЛІТАРАТУРА ДЛЯ НАВУЧАННЯ, ВЫХАВАННЯ І РАЗВІЦЦЯ | Анастасія РАДЗІКЕВІЧ у эфіры

Намеснік дырэктара па маркетынгу і камерцыйнай дзейнасці выдавецтва «Адукацыя і выхаванне» Анастасія РАДЗІКЕВІЧ – у праграме «Актуальны мікрафон» Алены ДАВІДОВІЧ і Дзмітрыя РУБАШНАГА. Да пачатку навучальнага года 2025/26 застаецца месяц. Выдавецтвы рыхтуюць падручнікі, дапаможнікі і іншую літаратуру для набыцця ведаў, развіцця, выхавання і станаўлення асобы. Распыталі госцю, якімі навінкамі выдавецтва «Адукацыя і выхаванне» забяспечыць навучальны працэс для дзяцей усіх узростаў, якія падручнікі і дапаможнікі былі перапрацаваны і перавыдадзены, што будзе на карысць самым узроставым шукальнікам ведаў і нават іх бацькам, як выдаўцы сёння выкарыстоўваюць сучасныя тэхналогіі і навацыі, задзейнічаюць навуковы патэнцыял, адпавядаюць патрабаванням часу... Адказалі і на пытанні радыёслухачоў.