Кайбычта гаилә юбилярларын хөрмәтләделәр
8 июль — Гаилә, мәхәббәт һәм тугрылык көне уңаеннан район үзәгендәге кафеда тантана узды. Гаилә коруларына быел 50, 55, 60,65 ел тулган парларны мул табыннар артында кафеда хөрмәтләделәр. Изге теләкләрен юллап, аларны район башлыгы Альберт Рәхмәтуллин сәламләде. Бу гаилә юбилярларыннан бик күпкә яшь булган парлар — Борындыктан Зөбәрҗәт һәм Рафаэл Хәйбуллиннар, Олы Кайбычтан Айгөл һәм Рифат Хәйретдиновлар гаиләләре дә тантананың хөрмәтле кунаклары булды. Хәйбуллиннар гаиләсе «Без тарихта эзлебез» республика бәйгесенең район турында җиңү яулады, зона этабында да аларга тиңнәр булмады. Хәйретдиновлар да — Кайбычның яшь һәм матур гаиләләренең берсе. Алар «Нечкәбил» дип исемләнгән ана матурлыгы һәм гаилә конкурсының зона турында җиңү яулады. Бәйгенең сентябрь аенда Казанда узачак ярымфиналына чакыру алдылар. Район башлыгы Альберт Рәхмәтуллин, ике гаиләгә дә истәлекле бүләк тапшырып, рәхмәтен җиткерде. Алып баручылар — район мәдәният йорты хезмәткәре Светлана Зиядиева һәм «Алдынгылар» хәрәкәтенең Кайбычтагы бүлеге җитәкчесе Елена Краснова һәр парның кавышу тарихы һәм тормыш юлы белән таныштырды. Аларның гомер йомгагы әкрен генә сүтелә барды, матур мизгелләр презентациядәге фотоларда чагылды. Әтиле-уллы Ирек һәм Илһам Галиевлар, ЗАГС бүлеге начальнигы Зилә Сөнгатуллина матур җырларын бүләк итте. Гаҗәеп ямьле, ихлас, җылы бер бәйрәм булды ул. Кунаклар ныклы гаилә кору, озак еллар шулай бергә яши алуның серен чиште. Алар танышу тарихы, кавышу, балалар үстерүләре турында да сөйләде. Мул табыннар артында, җыр-моң, уен көлке белән үткән бәйрәм һәркемнең күңеленә хуш килде. Юбиляр парларның барысына да район башлыгының Рәхмәт хатлары, истәлекле бүләкләр һәм чәчәкләр тапшырдылар.
8 июль — Гаилә, мәхәббәт һәм тугрылык көне уңаеннан район үзәгендәге кафеда тантана узды. Гаилә коруларына быел 50, 55, 60,65 ел тулган парларны мул табыннар артында кафеда хөрмәтләделәр. Изге теләкләрен юллап, аларны район башлыгы Альберт Рәхмәтуллин сәламләде. Бу гаилә юбилярларыннан бик күпкә яшь булган парлар — Борындыктан Зөбәрҗәт һәм Рафаэл Хәйбуллиннар, Олы Кайбычтан Айгөл һәм Рифат Хәйретдиновлар гаиләләре дә тантананың хөрмәтле кунаклары булды. Хәйбуллиннар гаиләсе «Без тарихта эзлебез» республика бәйгесенең район турында җиңү яулады, зона этабында да аларга тиңнәр булмады. Хәйретдиновлар да — Кайбычның яшь һәм матур гаиләләренең берсе. Алар «Нечкәбил» дип исемләнгән ана матурлыгы һәм гаилә конкурсының зона турында җиңү яулады. Бәйгенең сентябрь аенда Казанда узачак ярымфиналына чакыру алдылар. Район башлыгы Альберт Рәхмәтуллин, ике гаиләгә дә истәлекле бүләк тапшырып, рәхмәтен җиткерде. Алып баручылар — район мәдәният йорты хезмәткәре Светлана Зиядиева һәм «Алдынгылар» хәрәкәтенең Кайбычтагы бүлеге җитәкчесе Елена Краснова һәр парның кавышу тарихы һәм тормыш юлы белән таныштырды. Аларның гомер йомгагы әкрен генә сүтелә барды, матур мизгелләр презентациядәге фотоларда чагылды. Әтиле-уллы Ирек һәм Илһам Галиевлар, ЗАГС бүлеге начальнигы Зилә Сөнгатуллина матур җырларын бүләк итте. Гаҗәеп ямьле, ихлас, җылы бер бәйрәм булды ул. Кунаклар ныклы гаилә кору, озак еллар шулай бергә яши алуның серен чиште. Алар танышу тарихы, кавышу, балалар үстерүләре турында да сөйләде. Мул табыннар артында, җыр-моң, уен көлке белән үткән бәйрәм һәркемнең күңеленә хуш килде. Юбиляр парларның барысына да район башлыгының Рәхмәт хатлары, истәлекле бүләкләр һәм чәчәкләр тапшырдылар.