Ĕçĕ пĕлтерĕшлĕ те, кирлĕ те

Чăваш Енре ырă ĕç тăвакансен юхăмĕ туллин аталанать. Волонтерсем пĕр-пĕрне пулăшнине, хисепленине, шаннине тĕпе хураççĕ. Вĕсен шучĕ республикăра 68 пине çывхарать. Волонтерсен йышĕнче ытларах 14-30 çулхи çамрăксем. Эрнекун Чăваш Республикин Пуçлăхĕ çумĕнчи ырă ĕç тăвакансен юхăмне аталантарассипе ĕçлекен канашра иртнĕ çула пĕтĕмлетрĕç, çитес çула тĕллевсем лартрĕç.