Худуоһунньук Андрей Чикачев быыстапката Бэрдьигэстээххэ

Сэмэн уонна Софрон Даниловтар ааттарынан духуобунас киинин олоҥхо дьиэтин "Горнай улууһа кэрэҕэ" диэн бырайаыгын иитинэн, сыл устата араас худуоһунньуктар үлэлэрэ олохтоохтор иннилэригэр туруоҕа. Бырайыак иитинэн бу күннэргэ Россия худуоһунньуктарын союһун чилиэнэ, киэҥник биллэр үлэлэрдээх Андрей Чикачев хартыыналарын быыстапката аан маҥнайгытын турда, манна ааптар 19 үлэтэ киирдэ, ону тэҥэ интерактивнай дуоска нөҥүө хартыыналары эмиэ көрөр кыах баар буолла.