Шкул ачисем сивĕ кунсенче мĕнле вĕренĕç?

Чăваш Ене шартлама сивĕсем çитрĕç. Паян Шупашкарта термометрсем 34 градус таран аннă, районсенче унтан та сивĕрех. Синоптиксем пĕлтернĕ тăрăх, раштав уйăхĕн 11-мĕшĕнчен ăшăтать. Шкулсенче каникулсем вĕçленеççĕ. Çавна май пĕлӳ çурчĕсенче еплерех вĕренесси пур ашшĕпе амăшне те канăçсăрлантарать. Республикăри вĕрентӳ тата çамрăксен политикин министерстви ачасем сивĕ кунсенче мĕнле вĕренессине пĕлтерет. Сивĕ кунсенче республикăри вĕрентӳ учрежденийĕсем малтанхи йĕркепех ĕçлеççĕ. Ачана шкула ямалла е çук – кăна ашшĕ-амăшĕ хăйсем татса параççĕ. АЛЕКСЕЙ ЛУКШИН: «Шартлама сивĕсем пулнипе вĕренӳ министертсви пĕлтерет. 25 градус сивĕ пулсан 1-4-мĕш класс ачисем, 26-29 градус сивĕре 5-9-мĕш класс ачисем, 30 градус çитсен 10-11-мĕш класра вĕренекенсем килте юлма пултараççĕ». Чылай шкул каникултан ыран тухать. Шартлама сивĕ тăрсан та, уроксене чарса лартма чăрмав пулмалла мар. АЛЕКСЕЙ ЛУКШИН: «Çак вăхăтрах пур вĕрентӳ учрежденийĕсем ĕçлеççĕ, уроксем иртеççĕ. Килте юлнă ачасем валли уроксем дистанци мелĕпе иртеççĕ».