Пур объект та шутра пулмалла

Шыв парассипе çыхăннă объектсене кăçал çулталăк вĕçĕччен шута илсе пĕтермелле. Хальлĕхе 185-шне инвентаризациленĕ. Ĕçлемелĕх пур. Кун пирки Правительство çуртĕнче иртнĕ ларура калаçрĕç. Унта Кире, Шăхасан, Пăрачкав, Тăвай ял тăрăхĕсенче, Вăрнарпа Çĕрпӳ хула тăрăхĕсенче тата Шупашкарпа Çĕнĕ Шупашкар хулисенче пурлăха мĕнле шута илнине тишкерчĕç. Шывпа çыхăннă ытти ыйтăва сӳтсе яврĕç.