🗓 30-iyul kuni tongga yaqin Petropavlovsk-Kamchatskiydan 150 km uzoqlikda magnitudasi turli baholarga ko‘ra 8,7 gacha yetadigan zilzila sodir bo‘ldi. Rossiya FA Geofizika xizmati Kamchatka filiali ma’lumotlariga ko‘ra, zilzilaning episentri Petropavlovsk-Kamchatskiydan janubi-sharqqa 150 km va Severo-Kurilskdan shimoli-sharqqa 360,9 km uzoqlikda joylashgan.
📊 Filialda ta’kidlanishicha, bu Kamchatka seysmofokal zonasida 1952-yildan buyon kuzatilgan eng kuchli zilziladir.
«Коммерсантъ» yozishicha, zilzila Petropavlovsk-Kamchatskiy va Yelizovo aholisini ko‘chalarga chiqishga majbur qildi, shaharda tirbandlik yuzaga kelgan. Binolarda mebellar qimirlagan va yiqilgan. Favqulodda holatlar vaziri Sergey Lebedev ma’lum qilishicha, hudud poytaxtidagi bolalar bog‘chalaridan birining fasadi qulagan — binoda bolalar bo‘lmagan. Shuningdek, ba’zi shifoxonalar va ijtimoiy muassasalar binolarida yoriqlar aniqlangan.
Saxalin viloyati FVB ma’lumotlariga ko‘ra, Severo-Kurilskda yer osti silkinishlari sabab bir nechta binolar zarar ko‘rgan: yoriqlar paydo bo‘lgan, issiqlik pechlari va shamollatish shaxtalariga zarar yetgan. Hudud rahbari Valeriy Limarenko aholini evakuatsiya qilishni e’lon qildi. Shuningdek, FVB ma’lumotlariga ko‘ra, sunami to‘lqinlari ayrim joylarda Severo-Kurilsk porti va «Alaid» baliq sanoati korxonasini suv bosgan.
Kamchatka krai sog‘liqni saqlash vaziri Oleg Melnikov TASS agentligiga ma’lum qilishicha, bir nechta odam tongdagi zilziladan so‘ng tibbiyot muassasalariga murojaat qilgan — ular ko‘chaga chiqish yoki oynadan sakrash paytida jarohat olganlar. Shuningdek, Melnikovning aytishicha, yangi aeroport binosida bo‘lgan bir ayol ham jabrlangan.
Telegram 👉 https://t.me/migrantuz (@migrantuz)
TikTok 👉 https://www.tiktok.com/@migrantuzb
Instagram 👉 https://www.instagram.com/migrantuzb (@migrantuzb)
YouTube 👉 https://www.youtube.com/@migrantuzb
Facebook 👉 https://fb.com/migrantuz
ВКонтакте 👉 https://vk.com/migrantuz
Rasmiy veb-sayt: https://www.migrant.uz
#патент #регистрация #migrant #migrantuz
